נוסח ברכת אנ"ש שי' לכ"ק אדמו"ר מלך המשיח שליט"א, אור ליום הבהיר י"א ניסן ה'תשע"ו, שנת הקהל, אחר תפלת ערבית: 

יחי אדוננו מורנו ורבינו מלך המשיח לעולם ועד! יחי אדוננו מורנו ורבינו מלך המשיח לעולם ועד! יחי אדוננו מורנו ורבינו מלך המשיח לעולם ועד! 

לרגל יום הבהיר י"א ניסן שנת הקט"ו, בענטשט מען כבוד קדושת אדוננו מורנו ורבינו מלך המשיח שליט"א, ער זאָל נתגלה ווערן לעין כל און ברענגען די גאולה האמיתית והשלימה תיכף ומיד ממש.

און די ברכה קומט פון כלל החסידים, אנ"ש, תמימים און נשי חב"ד, און אַלע אידן, אַזוי ווי קינדער גיבן אַ ברכה זייער טאַטן.

און אַזוי ווי איצטער הויבט מען אָן זאָגן קאַפּיטל קט"ו, אין וועלכע מ'זאָגט "למה יאמרו הגוים אי' נא אלקיהם", ווי דער רבי שליט"א מלך המשיח טייטשט אָפּ – אַז אומות העולם פרעגן ווי קען זיין גילוי אלקות בזמן הגלות בשעת ס'איז ניטאָ קיין עבודה במוחין ומדות נאָר מעשה גשמי, און אידן ענטפערן "ואלקינו בשמים כל אשר חפץ עשה", אַז "המעשה הוא העיקר" און דוקא דורך מעשה המצוות בגשמיות באַקומט מען גילוי אלקות, ביז גילוי עצמותו ומהותו ית' בגאולה האמיתית והשלימה,

– איז יהי רצון אַז מ'זאָל אַרויסגיין תיכף ומיד ממש בפועל פון דעם העלם והסתר הכי נורא ואיום, אַז מ'געפינט זיך אין אַ חושך כפול ומכופל וואָס איז נישט געווען כמוהו זינט יציאת מצרים, אַז ס'איז שוין מער ווי איין און צוואַנציק יאָר וואָס מ'זעט נישט דעם נשיא הדור, דער רבי שליט"א מלך המשיח! און מ'האַלט אין איין עקשנ'ן און מ'טוט אַלץ וואָס מ'קענט בפועל ממש, און פונדעסטוועגן ס'גייט דורך נאָך אַ יאָר און נאָך אַ יאָר, און נאָך אַ טאָג און נאָך אַ טאָג, און נאָך אַ רגע און נאָך אַ רגע, און ס'איז נישטאָ די גאולה האמיתית והשלימה בפועל!

און ווי עס שטייט אין דעם נייעם קאַפּיטל "לא לנו ה' לא לנו כי לשמך תן כבוד", אַז דער אויבערשטער זאָל מקדש זיין "שמו הגדול המחולל בגוים", און אַנשטאָט דעם זאָל זיין גילוי עצמות ומהות א"ס ב"ה (ובפרט אַז מ'שטייט אין אַ יאָר וואָס סימנה איז "תהא שנת עצמות ומהות"), און ס'זאָל מקויים ווערן "הקהל את העם האנשים והנשים והטף וגרך אשר בשעריך", "קהל גדול ישובו הנה" לארצנו הקדושה ולירושלים עיר הקודש ולהר הקודש ולבית המקדש השלישי ולקדש הקדשים, דורך דערויף וואָס ס'קומט תיכף ומיד ממש די גאולה האמיתית והשלימה, און דער רבי שליט"א מלך המשיח זאָל נתגלה ווערן צו דער גאַנצער וועלט ביז אַז אפילו אומות העולם וועלן אַנערקענען אַז ער איז מלך המשיח,

און ס'וועט זיין די שלימות הניצחון אין אַלע מלחמות הוי', שלימות התורה ושלימות העם ושלימות הארץ,

און מ'וועט זען בגילוי ממש אַז יחי אדוננו מורנו ורבינו מלך המשיח לעולם ועד!

יחי אדוננו מורנו ורבינו מלך המשיח לעולם ועד!

יחי אדוננו מורנו ורבינו מלך המשיח לעולם ועד!

[ברכת כהנים ע"י א' מאנ"ש הכהנים]

להקלטה מהברכה לחצו כאן